Həzrəti MEHDİ

FİTNƏLƏRİN ÇOXALMASI

2010-07-29T05:24:00.001-07:00

İnsanların yaşayış şəraitinin çətinləşdiyi, Allahın və dinin müxtəlif üsullarla yalanlandığı, insanların imanlarının zəiflədilməyə, itirilməyə çalışıldığı çətin imtahan mühiti İslami qaynaqlarda "fitnə" mühiti adlanır.

Peyğəmbərimiz (səv)ın bir hədisində axır zamanda bəzi möminlərin imanlarının zəifləyəcəyi və buna səbəb olacaq hadisələr xəbər verilir:

Qiyamət yaxınlaşdığı zaman və möminlərin ürəyi; ölüm, aclıq, fitnələr, sünnələrin itməsi, bidətlərin ortaya çıxması, əmri bil maruf və nəhyi anıl münkər (yaxşılığı əmr edib pislikdən çəkindirmək) imkanlarının olmaması kimi səbəblərlə zəiflədiyi zaman mənim övladlarımdan Mehdi ilə Cənabı Haqq sünnələri canlandırar. Onun ədalət və bərəkəti ilə möminlərin ürəyi fərahlayar, Əcem (Ərəb olmayan) və Ərəb millətləri arasında ülfət və sevgi yaranar.

(Kitab-ül Burhan Fi Əlaməti-il Mehdiyy-il Axır Zaman, s. 66)

Hədisdə yer alan məlumatlara görə, axır zamanda, Mehdi və dərhal ardından da Hz. İsa gəlmədən əvvəl bu hadisələr reallaşacaq:

1- Ölüm: Anarxiya və kütləvi qırğınlar nəticəsində xalqın can təhlükəsizliyinin qalmaması və bunun meydana gətirdiyi narahatlıq mühiti.

2- Aclıq: Bahalılıq səbəbiylə meydana gələn dolanışıq çətinliyi. Fəlakətlər və təbii fəlakətlər nəticəsində qıtlıqların, aclığın artması.

3- Fitnələr: Haramların kiçik-böyük hər kəsin arasında, çox geniş yayılması və buna təşviq olunması. Hər cür əxlaqsızlığın insanların gözləri qarşısında edilməsi.

4- Bidətlərin ortaya çıxması: İslam dinində olmadığı halda sonradan ortaya çıxarılan adətlərin dinin əsaslarıymış kimi qəbul edilməsi.

5- Din əxlaqını izah etmək imkanlarının itməsi: Yaxşılığın əmr edilməsi və pisliyə mane olmaq, qısacası təbliğ imkanının itməsi ilə meydana gələn mənəvi boşluq.

Fitnə mühitləri möhkəm imana sahib möminlər üçün imanlarının güclənməsinə, səbrlərinin və axirətdəki dərəcələrinin artmasına vəsilə olarkən, zəif və səthi imana sahib kəslərin imanlarını itirmələrinə, ya da imanlarının daha da zəifləməsinə səbəb olar. Mehdi bu cür bir fitnə mühitinin ən geniş və şiddətli olaraq yaşandığı bir dövrdə zühur edəcək.

Başqa hədislərdə və İslam alimlərinin şərhlərində də axır zamanda Mehdinin, hər yerə yayılmış çox kütləvi bir fitnə var ikən ortaya çıxacağı bildirilir:

Mehdi, fitnələrin zühur etdiyi bir zamanda gələcək.

(Məktubatı Rəbbani, 2-258

GÜNAHSIZ UŞAQLARIN ÖLDÜRÜLMƏSİ

2010-07-29T04:59:00.001-07:00

Məhəmməd ümmətindən günahsız bir uşaq öldürüldüyündə, göydən bir mələk 'haqq onda (Mehdidə) və onun yanında olandadır' deyə səslənər. (Sabban İsafur Ragibin, s. 154)

Axır zamanın əhəmiyyətli əlamətlərindən biri də günahsız uşaqların öldürülməsidir. Bunun nümunələri xüsusilə son illərdə yaşanan münaqişə və qarşıdurmalarda sıx olaraq görülürr. Afrika ölkələrində yaşanan bəzi vətəndaş müharibələridə kiçik uşaqların döyüşməyə məcbur edilmələri və mərhəmətsizcə qətl edilmələri bu nümunələrdən biridir. Uşaqların sıx olaraq hədəf alındığı yerlərdən biri də Fələstin torpaqlarıdır. 2002-2003-cü illərdə Fələstində 500-dən çox uşaq, İsrail əsgərlərinin güllələrinə hədəf olub həyatını itirmişdir. İraq münaqişəsi əsnasında da doğum evləri vurulmuş,şox sayda uşaq ölmüşdür.

MÜSƏLMANLARLA YƏHUDİLƏR ARASINDA MÜNAQİŞƏLƏR

2010-07-21T13:23:00.001-07:00

Müsəlmanlarla Yəhudilər hərb etmədikcə qiyamət qopmaz...

(Müslim, Tirmizi)

Peyğəmbərimiz (səv)ın yuxarıdakı hədisində xəbər verdiyi kimi 20-ci əsrin əvvələrindən etibarən Müsəlmanlarla Yəhudilər arasındakı münaqişə və qarşıdurmalar davam etməkdədir.

Birinci Dünya müharibəsi ilə birlikdə Osmanlı hakimiyyətindən çıxan Fələstin torpaqları, bu dövrdən sonra bir daha sülh və dincliyə qovuşa bilmədi. 1947-ci ildə İngiltərənin Fələstindən çəkilərək ölkənin gələcəyini Birləşmiş Millətlərə həvalə etməsinin ardından, ölkənin Ərəblərlə Yəhudilər arasında yarı yarıya paylaşmasını nəzərdə tutan BM planı tətbiq olundu. 19 əsr keçdikdən sonra dünya üzərində ilk dəfə bir "Yəhudi dövləti" qurulmuşdu.

Həm Fələstindəki, həm də qonşu ölkələrdəki Ərəblər bu vəziyyəti dəyişdirə bilmək üçün hərəkətə keçdilər və 1948-ci il iki tərəf arasında qanlı bir müharibə yaşandı. İsraillilər, "Müstəqillik müharibəsi" adlandırdıqları mübarizəni qazandılar və Ərəblərə verilən torpaqların da bir qismini işğal edərək BM-in özlərinə verdiyindən daha da böyük torpağı ələ keçirdilər. Fələstin; Şeriya (İordan) Çayının Qərb qismi -sonra "Qərbi Şeriya" olaraq adlandı- və Aralıq dənizi sahilindəki Qəzza şəhərinin ətrafındakı kiçik hissə -sonra "Qəzza keçidi" olaraq adlandı- xaric, tamamilə İsrailin hakimiyyəti altına girdi.

MƏHƏLLƏLƏRDƏKİ MÜNAQİŞƏLƏR

2010-07-21T13:16:00.001-07:00

Fərat Çayı ilə Dəclə Çayı arasında bir şəhər qurulacaq və orada Abbas oğullarının səltənətləri qurulacaq. Ora Zavra (yəni Bağdad şəhəridir) deyə adlandırılmışdır... Ey möminlərin əmiri, Rəsulu Əkrəm orasını nə üçün Zavra adlandırmışdır? Çünki hərb hər tərəfini əhatə etdiyi və ən kənar bölgələrə qədər yayıldığı üçün Zavra deyə adlandırılar. (Ölüm-qiyamət-Axirət və Ahirzaman Əlamətləri, s. 426, nömrə. 776)

Mənim gördüyüm həlak yerlərini sizlər də görə bilirsinizmi? Mən evlərinizin aralarına fitnə və fəlakət məhəllələrini şiddətli yağış sellərinin açdığı yarğanlar kimi görürəm buyurdu.

(Səhihi Müslim, 4/2221; ölüm-qiyamət-Axirət və Axır Zaman Əlamətləri, s. 368, nömrə. 671)

Partizan müharibəsi üsulu 20-ci əsrdə yayılmış olan bir üsuldur. Bu üsulun istifadə edildiyi qarşıdurmalar həmişə məhəllələrdə davam edir. Keçən əsr bu döyüş üsulunun nümunələriylə doludur. Ancaq bu üsulun yaşandığı ən yaxın nümunələrdən biri 2003 ABŞ-İraq münaqişəsidir. Necə ki, yuxarıdakı ilk hədisdə də Bağdad şəhərinin kənar bölgələrinə qədər yayılan bir döyüşdən danışılmışdır.

Müharibə əsnasında böyüyən hadisələr və qəzetlərdə yer alan xəbərlər hədislərdə verilən xəbərin reallaşdığını göstərməkdədir. ( doğrusunu Allah bilər.)

İRAQIN 3 HİSSƏYƏ BÖLÜNMƏSİ

2010-07-21T13:01:00.000-07:00

İraq xalqı üç firqəyə ayrılar. Bir qismi soyğunçulara qoşular. Bir qismi ailələrini geridə buraxıb qaçar. Bir qismi döyüşər və öldürülər. Siz bunları gördüyünüz zaman qiyamətə hazırlanın. (Fera İdu Fevaidi'l Fikr Fil İmam əl-Mehdi əl-Muntazar)

Axır zaman əlamətlərindən biri də İraq xalqının üç hissəyə ayrılmasıdır. Hədisdə xəbər verildiyinə görə, xalqın bir qrupu "soyğunçulara" qoşulacaq. Münaqişədən sonra nüfuz boşluğundan faydalanaraq, İraqda böyük qarət hadisələri yaşanmışdır. Həqiqətən də xalqın bir qismi, oğurluq, qəsb, qarət kimi "soyğunçuluq" olaraq xarakterizə edilən fəaliyyətlərə meyl etmişlər.

Hədisdə xalqınbir qisminin isə, olduqları yerdən bir an əvvəl qaçmağa cəhd edəcəkləri, hətta geridə buraxdıqları ailələrini belə düşünməyəcək halda olacaqları xəbər verilmişdir. Qəzetlərdə buna aid yer alan xəbərlər diqqət çəkicidir.

Xalqın bir qisminin isə, münaqişədə iştirak edəcəyi və öldürüləcəyi bildirilməkdədir. İraq Münaqişəsi əsnasında da, insanların bir qismi müxtəlif bölgələrdə yaşanan qarşıdurmalara qatılmış və həyatlarını itirmişlər.

Həmçinin hədisin ilk hissəsində diqqət çəkilən, "İraqın üç hissəyə ayrılması" mövzusu fiziki mənada da reallaşmışdır. Körfəz müharibəsindən sonra, İraq coğrafi olaraq üç bölgəyə ayrılmışdır. 32 və 36-cı paralelin arası, 32-ci paralelin cənubu və 36-cı paralelin şimalı olaraq təyin olunan bu üç bölgənin yaradılması, hədisin işarə etdiyi inkişaflardan biri ola bilər.

ŞAM, İRAQ, ƏRƏBİSTANDA QARIŞIQLIQ

2010-07-21T04:38:00.000-07:00

Rəsulullah (səv) belə buyurmuşdur: "...Elə bəla və müsibətlər olacaq ki, heç kim, sığına biləcəyi bir yer tapa bilməyəcək. Bu bəlalar Şamın ətrafında dolanacaq, İraqın üzərinə çökəcək. Ərəbistan yarımadasının əlini və ayağını bağlayacaq... Onlar bəlanı bir tərəfdə rədd etməyə çalışarkən, digər tərəfdən o yenə ortaya çıxacaq."

(Kenzul Ummal, Kitab-ul kıyamə kısm-ul efal, c. 5, s. 38-39)

Hədisdə bildirilən "müsibətlərin Şamın ətrafında dolanıb, İraqın üzərinə çökməsi", son dövrdə yaşanan İraq münaqişəsinə işarə ola bilər. Bu münaqişənin əvvəlində və münaqişə əsnasında, qarışıqlığın Suriyaya keçməsi ehtimalı gündəmdə olmuş, ancaq münaqişə İraq ilə məhdud qalmışdır.

ŞAMDA FİTNƏLƏR

2010-07-21T04:04:00.000-07:00

Şamda fitnələr bir tərəfdən sakitləşdikcə, digər bir tərəfdən alovlanar. Göydən bir mələk "Mehdi əmirinizdir. Mehdi Xəlifənizdir" demədikcə də fitnələr bitməz. (Risalət-ül Huruc-ül Mehdi, s. 63)

Hz. İsa ilə birlikdə yer üzündə olan Mehdinin çıxışından əvvəl Şam bölgəsində böyük qarışıqlıqlar olacağı hədisdən aydın olur. Bu hədisdə də Suriyada meydana gələn qarışıqlıqlara diqqət çəkilməsi mümkündür.

Ancaq bilindiyi kimi Şam bölgəsi yalnız Suriyanın paytaxtı olan Şam şəhəri ilə məhdud deyil. Daha əvvəl də danışıldığı kimi, Şam, Ərəbcədə "sol" mənasını verir və qədimdən bəri Hicaz bölgəsinin (Məkkə və Mədinə şəhərlərinin olduğu bölgə) sol tərəfində qalan ölkələri ifadə edər.

Cumhuriyyet, 05 Aprel 2003, "Suriya terrorist dövlətdir."

Hürriyet, 12 Fevral 1982, "Hama şəhəri alovlar içində"

Keçdiyimiz əsrin əvvəlindən etibarən bu bölgədə tez-tez vətəndaş müharibələri, qiyamlar, qarşıdurmalar və böyük münaqişələr yaşanmışdır. Bu qarışıqlıqların biri digərinə təkan vermiş, bu torpaqlarda yaşayan demək olar ki, bütün insanlar bu olanlardan təsirlənmişdir. Hədisdə bildirilən "fitnələr bir tərəfdən sakitləşdikcə, digər bir tərəfdən alovlanar" ifadəsi də bu baxımdan diqqət çəkicidir. Təxminən əlli il içində, bu bölgədə yaşanan müəyyən böyük hadisələri belə sıralaya bilərik:

* Süveyş müharibəsi

* Altı Gün müharibələri

* Yom Kippur müharibəsi

* Livan Vətəndaş müharibəsi

* Fələstin torpaqlarında hələ də davam edən qarşıdurma və gərginliklər...

İRAQ XALQI ŞAMA QAÇAR

2010-07-19T09:26:00.000-07:00

Günahsız və təmiz İraq xalqı Şama qaçar.

(Risalət-ül Huruc-ül Mehdi, s. 210)

2003-cü ildə İraq münaqişəsi başlamadan əvvəl on minlərlə İraqlının, Suriya öndə olmaqla müxtəlif ölkələrə köçmək səyləri bu hədisdəki hadisə ilə böyük bir bənzərlik göstərməkdədir. Bu mövzuyla əlaqədar da müxtəlif xəbər və şəkillərə mediada yer verilmişdir.

İRAQIN BƏRPA OLUNMASI

2010-07-19T09:14:00.000-07:00

..İraqa hücum etmədikcə qiyamət qopmaz. Və İraqdakı günahsız insanlar Şama doğru sığınma yerləri axtararlar. Şam yenidən qurular, İraq da yenidən qurular. (Kenzul Ummal, Kitab-ul kıyame kısm-ul efal, c. 5, s. 254)

Hədisdə İraqın yenidən qurulacağına diqqət çəkilməkdədir. Əvvəl İran-İraq münaqişəsi, daha sonra Körfəz münaqişəsi, son olaraq da 2003-cü ildəki İraq münaqişəsindən sonra, İraqda bir çox şəhər yerlə bir olmuşdur. Bu döyüşdən sonra yaşanan qarət hadisələrinin də təsiriylə böyük bir xarabaya çevrilən İraqın yenidən bərpa olunması məcburi hala gəlmişdir. Bu hal qəzet xəbərlərində də çox geniş şəkildə yer almışdır.

İRAQ VƏ ŞAMA EMBARQO

2010-07-19T08:54:00.000-07:00

Əbu Nədrə (r.ə.) dedi ki; Cabir (r.a.)ın yanında idik, belə dedi: "Elə bir zaman yaxınlaşır ki, İraq əhalisinə bir qafiz (ölçək), bir dirhəm (bir ağırlıq ölçüsüdür) sövq olunmayacaq". Dedik ki: "Bu kimə görə olar?" Dedi ki: "Əcəmlər ('Ərəb olmayanlar) bunu məhrum' edərlər." Sonra dedi: "Şam əhalisinə bir dinar, bir müdy (kilə, bir ölçü vahididir) sövq olunmayacaq". "Bu kimə görə olar?" dedik. "Rumlara görə " dedi. (ət-Tac, Əli Nasıf əl-Hüseyni)

Hz. Əbu Hureyre radıyallahu ənh söyləyir: "Rəsulullah əleyhissalatu vəssalam: "İraqa ölçəyi və dirhəmi verilməyəcək. Şama da ölçəyi və dinarı verilməyəcək. Misirə ölçəyi və dinarı verilməyəcək. Başladığınız yerə dönəcəksiniz" buyurdu və üç dəfə təkrar etdi."

(Müslim, Fiten: 33, (2896); Əbu Davud, Harac: 29, (3035))

İraq və Şama embarqo tətbiq olunması qiyamətdən öncə yaşanacağı bildirilən hadisələrdən, yəni Mehdinin gəliş əlamətlərdən biridir. İraqa, hədisdə xəbər verildiyi kimi, on ildən çoxdur ki, embarqo tətbiq olunması diqqət çəkicidir. Bununla birlikdə, Suriyaya da embarqo tətbiq olunması ehtimalı tez-tez gündəmə gəlməkdədir.

İSRAİL - FƏLƏSTİN SÜLH DANIŞIQLARI

2010-07-19T08:16:00.000-07:00

Beyti Makdisdə sülh müqaviləsi olacaq. (Risalət-ül Huruc-ül Mehdi, cild 3, s. 184)

Beyti Məqdis Məscidi Əqsanın bir adıdır. Bu hədisdə də Beyti Məqdis deyilərək Qüdsdə reallaşacaq sülh müqaviləsindən bəhs edilə bilər. Necə ki, Fələstin torpaqlarında qarşıdurma və gərginlik əlli ildən çoxdur ki,davam etməkdədir. Ancaq 1993-cü ildə Osloda aparılan sülh danışıqları bu torpaqlara dinclik və təhlükəsizliyin gəlməsi üçün əhəmiyyətli bir addım olmuşdur. Hər nə qədər Osloda alınan qərarların bəziləri ədalətli olmasa və bəziləri də tam mənasıyla tətbiq olunmasa da, iki tərəfin müəyyən mövzular üzərində razılaşması əhəmiyyətli bir irəliləyişdir. 2003-cü ildə də əsasən "Yol Xəritəsi" cəhdi olmaq üzrə iki tərəf arasında sülh müzakirələri davam etmişdir.

BAĞDADIN ALOVLARLA YOX EDİLMƏSİ

2010-07-19T07:44:00.000-07:00

Axır zamanda Bağdad alovlarla yox edilər...

(Risalət-ül Huruc-ül Mehdi, cild 3, sf. 177)

2003-cü il İraq münaqişəsində, münaqişənin ilk günündən etibarən Bağdad, ən sıx bombardmana məruz qalan şəhərlərdən biri olmuşdur. Ağır bombardman, gecələri Bağdadın eynilə hədisdə xəbər verildiyi kimi alov alov yanmasına səbəb olmuşdur. Bağdadın qəzet və televiziya xəbərlərində yayımlanan görüntüləri, yuxarıdakı hədisdə diqqət çəkilən hadisə ilə tam olaraq üst-üstə düşür. Bu da axır zamanda olduğumuzu göstərən açıq əlamətlərdən biridir.

İRAQLILARIN PULU QALMAYACAQ

2010-07-19T06:33:00.000-07:00

"İraqlıların əlində tərəzi və alış-veriş edə biləcəkləri pul demək olar ki, qalmayacaq." (Kenzul Ummal, Kitab-ul qiyamə qism-ul əfal, c. 5, s. 45)

Axır zaman və dolayısilə Mehdinin çıxış əlamətlərindən biri də İraqlıların pulunun dəyərinin itməsidir. Bu hədis iki ayrı vəziyyətə işarə edə bilər. Bunlardan birincisi, İran-İraq və Körfəz müharibəsindən sonra İraqda yaşanılan iqtisadi çöküntüdür. Müharibə səbəbindən böyük zərər görən İraq iqtisadiyyatı, döyüşdən sonra davam edən embarqolar səbəbiylə heç cür düzəlməmişdir. Xalqın alış gücü düşmüş, yoxluq və kasıblıq ən əhəmiyyətli problemlərdən biri halına gəlmişdir.

Hədisin işarə etdiyi bir başqa hal da, İraq müharibəsindən sonra İraq dinarının tədavüldən qaldırılmasıdır. Son müharibədən sonra İraq dinarının sürətlə dəyər itirməsi və tədavüldən qalxması ehtimalı, 2003-cü il tarixli qəzet xəbərlərində geniş şəkildə yer almışdır

BİR ORDUNUN İTMƏSİ

2010-07-19T03:11:00.000-07:00

Mehdinin beş əlaməti vardır. Bunlar Süfyani, Yəməni, səmadan bir sayha (səslənmə, nərə), Beydədə bir ordunun batması və günahsız insanların öldürülməsidir. (Naim Bin Hammad)

...Özünə bir ordu göndəriləcək. Bunlar yerin bir səhrasında ikən yerə batırılacaqlar. (Müslimdən; Gələcəyin Tarixi 4, s. 31)

Bir ordu döyüş üçün gələr, səhraya daxil olarkən öndəkilər və sonundakıları batar, ortadakılar da xilas olmaz. (Hənbəl, Tirmizi, İbni Macə, Əbu Davuddan; Gələcəyin Tarixi 4, s. 30)

(üst şəkil) Vətən Qəzeti, 11 aprel 2003

(sol alt şəkil) Yeni Şəfəq, 11 aprel 2003

Hürriyet Qəzeti, 11 Aprel 2003, "Gözətçilərə nə oldu?"

(sağ şəkil) Türkiyə Qəzeti, 13 Avqust 2003, "Səddamın təyyarələri qumdan çıxarıldı"

2003-cü ildə reallaşan İraq Müharibəsi əsnasında İraq ordusunun böyük bir qisminin haradasa birdən birə ortadan itməsi müharibənin diqqət çəkən hadisələrindən biri idi. Bir çox qəzet və televiziyada, Respublika Gözətçiləri olaraq tanınan təxminən 60.000 nəfərlik ordunun və Fədailər olaraq tanınan təxminən 15.000 İraqlı əsgərin itməsi xəbər olaraq yer aldı. Yuxarıdakı hədislərdə bu mövzuya diqqət çəkilməsi, Mehdinin gəliş əlamətlərindən biri olan "bir ordunun batması" hadisəsinin reallaşmış ola biləcəyini göstərməkdədir. ( doğrusunu Allah bilir) Necə ki, bir neçə gündən sonra döyüş təyyarələrinin bir qisminin səhrada quma batmış halda tapılması, hədisdə bəhs edilən səhrada bir ordunun batması hadisəsinin İraq ordusu ilə əlaqədar olma ehtimalını gücləndirməkdədir.

DÖRDÜNCÜ SÜLH

2010-07-19T02:41:00.000-07:00

Əbu Naim, Əbu Umamədən rəvayət etdi, Rəsulullah (səv) buyurdu: Sizinlə insanlar (bir nüsxədə Rumlar deyilir) arasında dörd sülh olacaq, dördüncü sülh, Herakl əhlindən biri vasitəsi ilə olar və bu yeddi il davam edər. Deyildi ki: "Ya Rəsulullah, o gün insanların imamı kimdir?" Buyurdu ki: "Övladımdan qırx yaşında Mehdidir." (Qiyamət Əlamətləri, Osman Çataklı, 299/8)

Hədisdə Hz. İsa ilə birlikdə olan Mehdinin əlamətlərindən biri xəbər verilmişdir. Bu əlamətə görə Müsəlmanlarla Müsəlman olmayanlar arasında 4-cü dəfə bir sülh razılaşması ediləcək, bu razılaşma 7 il davam edəcək.

Bu müddətin sonunda isə Mehdi gələcəkdir. İslam aləmindən bir çox kimsənin qənaəti, hədisdə keçən "4-cü Sülh"ün, 1979-cu ildə ABŞ-İsrail və Misir arasında Amerikada Camp Daviddə edilən razılaşma olduğudur. ( doğrusunu Allah bilir.)

şəkildə 26 Mart 1979-cu il tarixində, israil-Misir sülh razılaşmalarının imzalanması əsnasında Misir Dövlət Başçısı Ənvər Sədat, ABŞ eks rəhbəri Jimmy Carter, İsrail Baş naziri Menahem Begin.

DAĞILMIŞ YERLƏRİN BƏRPASI

2010-07-19T01:47:00.000-07:00

Dünyanın təhrif olmuş yerlərinin abadlığı, abadlıq edilmiş yerlərinin təxribi qiyamətin şərt və əlamətlərindəndir. (Kıyamet Əlamətləri, s. 138)

müharibələrlə keçən 20-ci əsrdə bir çox şəhər yerlə bir olmuş və yenidən tikilmişdir. Berlin, Leninqrad (St. Peterburq), Dresden kimi II Dünya müharibəsi əsnasında tanınmayacaq hala gələn böyük Avropa şəhərləri, müharibədən sonra yenidən tikilmiş və bu günkü görünüşlərini almışlar.

1995-ci ildə baş verən zəlzələ Kobeni tamamilə xarabaya çevirmişdi.Aşağıdakı şəkillərdə göründüyü kimi, qısa bir müddətdə şəhər yenidən tikildi.

Bənzər bir nümunə olaraq Yaponiyanın Kobe şəhəri 1995-ci ilin Yanvar ayında böyük bir zəlzələ nəticəsidə xarabaya çevrilmişdi . Yapon hökuməti və universitetləri, zəlzələləri əvvəldən xəbər verən bir üsula sahib ola bilmək üçün, etdikləri saysız araşdırmalara 30 il içində bir milyard dollar (təxminən 1.5 katrilyon lirə) sərmayə qoyublar. Amma müvəffəqiyyətli ola bilmədilər, çünki yer qabığındaki sarsıntıları tanıyıb təsnif etmək üçün tam etibarlı modellər təkmilləşdirmək qeyri-mümkündür. Zəlzələnin baş verdiyi Kobe və Osaka şəhərlərinin olduğu bölgə, Yaponiyanın öndə gələn sənaye və ticarət mərkəzlərindən idi. Buna görə zəlzələdən sonra maddi zərər milyardlarla dollar oldu.* Amma bütün bu zərərə baxmayaraq Yaponlar qısa müddət ərzində Kobe şəhərini yenidən inşa etdilər.

Dresden şəhərinin 1946-cı ildə döyüş səbəbiylə dağılmış halı. (Sağda) Dresden şəhərinin 1996-cı ildəki yenidən tikilmiş halı.

Tokio şəhəri, 1923-cü ildə baş verən 8.3 ballıq zəlzələdən sonrakı yanğınla məhv olmuşdu. Bu şəkildə görüldüyü kimi Tokio şəhəri yenidən tikilmişdir.

(Solda) 1906-cı ildə San Franciscoda baş verən zəlzələ 3000 adamın ölümünə və şəhərin böyük bir hissəsinin yanmasına səbəb oldu. (Sağda) Hazırda San Francisco şəhərinin görünüşü.

ŞƏHƏRLƏRİN MƏHV OLMASI

2010-07-17T12:46:00.000-07:00

"Böyük şəhərlər sanki dünən yoxmuş kimi məhv olar." (Kitabül Burhan Fi Alametil Mehdiyyil Axır Zaman, s. 38)

Xoş diyarlar xarab edilincə... qiyamətlə sənin aranda bu iki barmaq arası qədər bir məsafə qalmış deməkdir. (Qiyamət Əlamətləri, s. 143)

Hədislərdə ifadə edilən böyük şəhərlərin, xoş diyarların məhv olması və xarab edilməsi, döyüşlər və müxtəlif təbii fəlakətlər nəticəsində meydana gələn dağıntıları ağla gətirir. Bunlarınla yanaşı yaxın keçmişdə təkmilləşdirilən nüvə silahları, təyyarələr, bombalar, mərmilər və buna bənzər silahların döyüşlərdə istifadə edilməsi də böyük təxribata səbəb olmuşdur. Bu silahlar tarixdəki bənzərləriylə müqayisə edilməyəcək səviyyədə dağıntılara gətirib çıxarmışdır. Əlbəttə hədəf mövqeyindəki "böyük şəhərlər" də bu dağıntılardan birinci dərəcədə təsirlənən yerlər olmuşdur.

II Dünya müharibəsinin bənzərsiz nəticələri buna bir nümunə olaraq verilə bilər. Dünya tarixinin ən böyük müharibəsində, atom bombasının istifadə edilməsiylə Xerosima və Nagasaki şəhərləri tamamilə yerlə bir olmuşdur. Avropanın paytaxtları və əhəmiyyətli şəhərləri də ağır bombardmanlar nəticəsində böyük miqyasda dağılmışdır. Britannica Ensiklopediyası II Dünya müharibəsinin Avropa şəhərlərində səbəb olduğu ziyanı belə izah edir:

Meydana gələn təxribat Avropanın böyük hissəsini Ayın səthinə çevirmişdi: Şəhərlər bombardmanlar nəticəsində xarab oldu, yollar bombaların açdığı çuxurlarla örtüldü, dəmiryolları istifadə edilməz hala gəldi, körpülər yıxıldı, limanlar batmış gəmilərlə doldu.

Qısacası, II Dünya müharibəsinin tarixdə bənzəri görülməyən miqyasdakı təxribatı hədisin işarə etdiyi hadisə ilə birə-bir uyğunlaşır.

1945-ci ildə Amerikanın Xerosimaya atdığı atom bombasının partlayış anında və dərhal sonra təxminən 100.000 adam ölmüşdür. Xerosima fəlakətindən 3 gün sonra Amerikanın Nagasakiyə atdığı bir başqa atom bombasına görə partlayış anında təxminən 40.000 adam həyatını itirmişdir. Bombalar bir tərəfdən insanların ölümünə səbəb olarkən, digər tərəfdən çox böyük bir yaşayış sahəsi xarab olmuş, həyatda qalan bölgə xalqında isə radiasiya səbəbiylə nəsillər boyu düzəldilə bilməyəcək genetik və fizioloji pozuqluqlar meydana gəlmişdir.

MİSİRLİLƏRİN ƏSİR ALINMASI

2010-07-17T11:40:00.000-07:00

"Şam əhli, Misirli qəbilələri əsir alacaqlar." (Əl Kavl-ul Müxtəsər Fi Alamat-il Mehdiyy-il Muntazar, s. 49)

Daha əvvəl də ifadə etdiyimiz kimi, Şam bölgəsi, Hicaz (Məkkə-Mədinənin olduğu bölgə)nin sol tərəfində qalan bölgədir. Bu gün haqqında danışılan bölgədə yer alan dövlətlər arasında İsrail də var. Bu səbəbdən bu hədislə İsrail Dövlətinin Misir ilə olan münaqişələrinə və Misir torpaqlarını işğalına işarə edilə bilər.

26 Oktyabr 1956-cı il tarixində İsrail Misirə hücum etdi və Sina Yarımadasını işğal etməyə başladı. Birləşmiş Millətlərin təşəbbüsü ilə qaynar qarşıdurmalar bir müddət dayandı və İsrail sərhədinə BM Sülhməramlı qüvvələri yerləşdirildi. 1967-ci ildəki 6 Günlük müharibə isə israil-Misir arasındakı başqa bir müharibə idi. 5 İyunda İsrail Hava qüvvələri, Misirin bəzi hava əsaslarına hücumlar etdi. Bu hücumlar səbəbiylə çox böyük zərər görən Misir Hava qüvvələri 5 İyundan sonrakı qarşıdurmalarda heç bir fəaliyyət göstərə bilmədi. Sinadakı Misir orduları geri çəkildi. 9 İyunda İsrail, Golan təpələrinə hücum etdi və bölgəyə hakim oldu.

Bu döyüşlər əsnasında olduqca çox sayda Misirli, İsrail əsgərləri tərəfindən əsir alındı. Bir çox Misirli də həyatını itirdi.

İORDANİYA KRALI ABDULLAHIN ÖLDÜRÜLMƏSİ

2010-07-17T10:19:00.000-07:00

Mehdinin çıxış əlamətlərindən biri də, Haşimilərdən hakim olan birinin öldürülməsidir. (Risalət-ül Huruc-ül Mehdi, s. 12)

Bilindiyi kimi İordaniya, Haşimi Krallığı olaraq xatırlanır. İordaniya, Osmanlıdan ayrıldıqdan sonra bir müddət İngiltərənin idarəsi altında idi. İngiltərə 1946-cı il London sözləşməsinin şərtlərinə görə İordaniyanın müstəqilliyini tanıdı. Və İordaniya əmirliyinin hakimi Abdullaha da İordaniya Kralı ünvanı verildi. Kral Abdullah, daha sonra, 1951-ci ildə İngilislər tərəfindən öldürdüldü. Hədisdə diqqət çəkilən hadisə də beləcə reallaşmış oldu.

İordaniya Kralı Abdullah 1951-ci ildə Məscidi Əqsada ibadət edərkən sui-qəsdə uğramışdı.

ŞAM VƏ MİSİR MƏLİKLƏRİNİN ÖLDÜRÜLMƏSİ

2010-07-17T09:44:00.000-07:00

Ondan əvvəl Şam və Misir məlikləri (hökmdar, məmləkət sahibi) öldürüləcək. ..(El-Kavlu'l Müxtəsər Fi Əlamət-il Mehdiyy-il Muntazar, s. 49)

Bu hədisdə Mehdinin gəlişindən əvvəl Şam və Misir idarəçilərinin öldürüləcəklərinə diqqət çəkilir.

Misirin yaxın tarixi araşdırıldığında hədisdə də ifadə edildiyi kimi bir "məliyin" öldürüldüyü görülür: 1970-ci ildə Misirdə hakimiyyətə gələn və 11 il iqtidarda qalan Ənvər Sədat.

Ənvər Sədat 1981-ci ildə bir rəsmi keçid əsnasında müxalifləri tərəfindən təşkil edilən sui-qəsd nəticəsində həyatını itirmişdir. Misir tarixində öldürülən idarəçilərdən digərləri də, 1910-cu ildə sui-qəsdə uğrayan Baş nazir Butros Gali, 1945-ci ildə öldürülən Misir Baş naziri Əhməd Maher Paşa və 1948-ci ildə yenə bir sui-qəsd nəticəsində öldürülən Misir Baş naziri Mahmoud Nukrashy Paşadır.

Şam sözü isə, yalnız Suriyadakı Şam şəhəri üçün istifadə edilmir. Şam, Ərəbcədə "sol" mənasını verir və qədimdən Hicaz bölgəsinin (Məkkə və Mədinə şəhərlərinin olduğu bölgə) sol tərəfində qalan ölkələri ifadə edir. Şam bölgəsi idarəçilərindən də sui-qəsdə uğrayan çox sayda adam olmuşdur. Bunlardan bir neçə nümunə belədir;

* 1920-ci ildə öldürülən Suriyanın eks prezidenti Salah al-Deen Beetar,

* 1921-ci ildə öldürülən Suriya Baş naziri Droubi Paşa,

* 1949-cu ildə sui-qəsdə məruz qalan Suriya Baş naziri Muhsin al-Barazi,

* 1951-ci ildə öldürülən İordaniya Kralı Abdullah,

* 1982-ci ildə bombalı sui-qəsdə uğrayan Livanda Falanjist Lideri Bəşir Cemayel

KÜTLƏVİ QƏTLİAMLARIN MEYDANA GƏLMƏSİ

2010-07-17T06:06:00.000-07:00

Mehdidən əvvəl, məşhur qırğınların baş verəcəyi böyük bir fitnə görüləcək. (El-Kavlu'l Müxtəsər Fi Əlamət-el Mehdiyy-il Muntazar, s. 37)

Çox kədərli hallar və əlim mənzərələr görülər. Fitnələr arxa arxaya davam edər... Ana, ata, qız, kişi hər kəsi öldürər... Bunların arasında fitnə, şiddət, həlak və qaçmalar olar. Nə zaman ki, bitdi deyilər, yenə də davam edər. (Kitab-ül Burhan fi Əlamət-el Mehdiyy-il Axır Zaman, s. 36)

Peyğəmbərimiz (səv)ın Mehdinin gəlişi ilə əlaqədar bildirdiyi hədislərin böyük bir qismində, Mehdi gəlmədən əvvəl dünyada qarışıqlıq, etibarsızlıq və narahatlığın hakim olacağı vurğulanır. Döyüşlər və qarşıdurmalarla yanaşı, kütləvi qırğınların yaşanması da bu dövrün diqqətə çarpan xüsusiyyətləri arasındadır. Həmçinin hədisdə qətllərin yayılacağına, yəni bütün dünya səviyyəsində yaşanacağına diqqət çəkilir.

Keçən əsrdə iki böyük dünya müharibəsi yaşanmış və sırf bu müharibələrdə 65 milyon insan həyatını itirmişdir. 20-ci əsr boyu siyasi səbəblərlə qətl edilən vətəndaşların sayının 180 milyonu keçdiyi təxmin edilir. Bu, daha əvvəlki əsrlərlə müqayisə edildiyində fövqəladə dərəcədə yüksək rəqəmdir. Gerçəkdə 20-ci əsrə qədər dünya üzərindəki müharibələr çox vaxt bir cəbhə müharibəsi şəklində yaşanır, yəni müəyyən bir xətt üzərində döyüşən ordular arasında keçərdi. Halbuki 20-ci əsrdəki silah texnologiyası və buna bağlı olaraq təkmilləşdirilən hərbi strategiyalar, "kütləvi müharibə" anlayışını ortaya çıxarmış, döyüşlər yalnız cəbhədəki əsgərləri deyil, cəbhədənkənar vətəndaşları da hədəf almışdır. Şəhərlərin bombalanması, kimyəvi, bioloji və ya nüvə silahları, soyqırım, konslager kimi anlayışlar, ilk dəfə 20-ci əsrdə ortaya çıxmışdır.

(sol) 1945-ci ildə nasisitlərin ölüm düşərgələrindən birində (Nordhausen, Almaniya) çəkilmiş olan fotoşəkil, 2-ci Dünya müharibəsində yaşanan vəhşiliyin dəllilərindəndir.

(sağ) Almaniyanın Nüremberg şəhərinin 1945-ci ildə çəkilmiş olan bu rəsmi, 2-ci Dünya müharibəsində qırğın və dağıntıların miqyasını göstərir.

Sözü gedən vəhşilik davam etməkdə, hazırda 21-ci əsrdə hələ də dünyanın dörd bir tərəfində qanlı döyüşlər və qarşıdurmalar davam etməkdədir. Bu döyüşlərin ortaq xüsusiyyəti isə, yuxarıdakı hədisdə də ifadə edildiyi kimi kütləvi qırğınların yaşandığı müharibələr olmasıdır. Bir tərəfdən kütləvi qırğın silahlarının istifadə edilməyə başlanması, digər tərəfdən də qarşıdurmaya və qan tökməyə təşviq edən ideologiyaların fikri suverenliyi, qırğınların çox əhatəli olmasına səbəb olur.

Yaxın tarixə baxıldığında insanların həyatını itirdiyi müxtəlif qətliam nümunələri görüləcək. Məsələn Bosniya münaqişəsi, əsasən xalqın hədəf alındığı, qadın, uşaq, yaşlı minlərlə insanın qətl edildiyi münaqişə olaraq tarixə keçmişdir. Münaqişədən sonra ortaya çıxarılan kütləvi məzarlar isə qətliamın miqyasını gözlər önünə sərən təsirli bir dəlil olmuşdur.

Fələstin xalqına qarşı 1940-cı illərdən bəri icra edilən bir başqa "etnik təmizlik" əməliyyatı isə, daha uzun vədəli bir qətliam siyasətidir.

Afrika qitəsində də tez-tez müxtəlif fərqli etnik mənşələr arasında şiddətli qarşıdurmalar yaşanmaqda və minlərlə insan həyatını itirməkdədir.

TOZLU DUMANLI FİTNƏ

2010-07-16T13:19:00.000-07:00

Tozlu dumanlı, qaranlıq bir fitnə görüləcək, bunu digərləri izləyəcək... (Kitab-ül Burhan fi Əlamət-il Mehdiyy-il Axır Zaman, s. 26)

Bu hədisdə isə, Mehdinin çıxışından əvvəl, tozlu və dumanlı, qaranlıq bir fitnənin görüləcəyindən bəhs olunur. Fitnə, "insanın ağıl və ürəyini birbaşa haqq və həqiqətdən sapdıracaq bir şey, döyüş, azdırma, qarışıqlıq, ixtilaf, döyüş" kimi mənalar ifadə edən sözdür.* Hədisdə bu fitnənin ardından toz və duman görüləcəyi ifadə edilir. Həmçinin bu fitnənin"qaranlıq" olaraq xarakterizə edilməsini, haradan gəldiyi müəyyən olmayan, gözlənilməz bir hadisəyə işarə etdiyini də qəbul edə bilərik.

Belə baxıldığında sözü gedən hədisin, 11 Sentyabr 2001-ci il tarixində Amerika Birləşmiş Dövlətlərinin New York və Vaşinqton şəhərlərində meydana gələn, dünya tarixinin ən böyük terror hadisəsi olaraq xarakterizə edilən hücuma işarə etməsi mümkündür. Televiziya ekranında və qəzetlərdə də şahid olunduğu kimi, bu iki böyük terror hadisəsinin ardından böyük bir toz buludu və duman ətrafı bürüyüb əhatə etmişdir.

New Yorkda Dünya Ticarət Mərkəzinə və Vaşinqtonda Pentaqon binasına çırpılan təyyarələrin səbəb olduğu partlayışlar nəticəsində böyük bir duman meydana gəlmiş və bu duman bütün şəhərdən və hətta ətraf şəhərlərdən görülə biləcək qədər yüksəlmiş və yayılmışdır. Partlayışlar nəticəsində çökən binalar isə, daha böyük bir toz buludunun meydana gəlməsinə səbəb olmuş, hətta ətrafdakı insanların üzəri tamamilə bu tozla örtülmüşdür.

Bu hadisə, həm dünya tarixinin ən böyük terror hücumlarından biri olması, həm digər əlamətlərlə yaxın dövrlərdə baş verməsi və ayrıca hədisdəki bənzər xüsusiyyətləri səbəbiylə son dərəcə əhəmiyyətlidir. Bu səbəbdən minlərlə günahsız insanın ölümünə və yaralanmasına səbəb olan, insanlıq tarixinin bu ən böyuk terror hadisələrindən biri, hədisdə xəbər verilən və Mehdinin çıxışının bir əlaməti olaraq bildirilən "tozlu dumanlı, qaranlıq fitnə" ola bilər.

SİSTEMLƏRİN DƏYİŞMƏSİ

2010-07-15T06:22:00.000-07:00

Zamanın inqitağa uğradığı (zamanın kəsildiyi) bir dövrdə Mehdi deyilən bir şəxs gələcək... (Kitab-ül Burhan fi Əlamət-il Mehdiyy-il Axır Zaman, s. 14)

Bu hədisdə Peyğəmbər Əfəndimiz, Mehdinin "zamanın kəsildiyi" yəni bir çox hədis şərhçisinin də ifadə etdiyi kimi "zamanın fərqliləşdiyi", "sistemlərin dəyişdiyi" bir dövrdə gələcəyini bildirmişdir. Bu hədisdə işarə edilən "sistem dəyişikliyi" ilə nəzərdə tutulanın, 20-ci əsrdə dünyanın dörd bir tərəfində hakim olan kommunist rejimlərin əsrin sonlarına doğru yıxılması olması ola biləcəkdir.

20-ci əsrə damğasını vuran qanlı döyüşlərin və qırğınların ən böyük səbəblərindən biri, materialist fəlsəfənin nəticəsi olan kommunist ideologiyanın hakimiyyətidir. Bu ideologiya, Avropadan Asiyaya, Cənubi Amerikadan Afrikaya qədər dünyanın böyük hissəsində təsirli olmuş, bir çox ölkə on illər boyunca kommunist rejimlər tərəfindən idarə olunmuş və ya kommunist təşkilatlar tərəfindən hədəfə alınmışdır. 1990-cı illərə qədər davam edən soyuq müharibənin və ən mərhəmətsiz qırğınların səbəbi kommunizm olmuşdur.

Kommunist rejimlər digər ölkələrlə döyüşərək ideologiyalarını yaymaqla yanaşı, öz xalqlarına da böyük zülm etmişlər, çox geniş kütlələri edamlar, kütləvi qırğınlar, konslagerlərdəki ağır şərtlər və qıtlıqlar kimi üsullarla öldürmüşlər.

1945-ci ildən etibarən davam edən iki qütblü dünya sistemi, SSSR-in yıxılmasıyla ortadan qalxdı. Bu, eyni zamanda yeni bir dünya nizamının da başlanğıcı sayılmaqda idi.

Stalin: 40 milyon insanın qatili

Ən zalım qırğınlara səbəb olan kommunist lider - Lenin

60 milyona yaxın insanın qatili - Mao

Kommunist rejimlər, tarixçilərin hesablamalarına görə, 20. əsr boyu 120 milyon insanın ölümünə səbəb olmuşdur. Bunların çoxu, döyüş əsnasında cəbhədə ölən əsgərlər deyil, kommunist dövlətlərin öz xalqlarından öldürdükləri vətəndaşlardır. On milyonlarla kişi, qadın, yaşlı, kiçik uşaq, körpə, yalnız kommunist rejimlərin, qatı və vəhşi xüsusiyyətləri səbəbiylə həyatını itirmişdir. Bunun xaricində milyonlarla insan, kommunistlərin zülmünə uğramış, buna görə evlərindən köçməyə məcbur edilmiş, əllərindən malları, tarlaları alınmış və hər an öldürülmə, günahsız yerə həbs olunma və ya zülmə məruz qalmaq qorxusu altında yaşadılmışlar.

Ancaq 20-ci əsrin sonlarına doğru, çox güclü və sarsılmaz sanılan bu ideologiyaya sahib rejimlər bir-bir çökməyə, güclərini itirməyə başlamışlar. Bu çöküşün ən diqqətə çarpan simvolu, 1989-cu ildə Berlin Divarının yıxılmasıdır. İki il sonra, dünyanın ən böyük və ən güclü kommunist dövləti olan SSSR yıxılmış və Şərq Bloku tamamilə parçalanmışdır. Afrikadan Hindistana qədər fərqli kommunist rejimlər bir-birinin ardınca çökmüş, 1945-ci ildən dünyanın sabit beynəlxalq sistemi olan "iki qütblü dünya nizamı" ortadan qalxmış, siyasi şərhçilərin deyimiylə yeni dünya nizamı qurulmuşdur. Son dərəcə təəccüblü şəkildə nəticələnən bu inkişafla, hədisdə diqqət çəkilən "sistem dəyişikliyi" reallaşmışdır.

Hazırkı dövrdə isə, kommunizmin son fikri və siyasi qalıqları da yox olmaqda, dünya bu qanlı ideologiyadan tamamilə təmizlənməkdədir. İslam əxlaqının dünyaya yayılması ilə bu sistemlərin dünyanın dörd bir tərəfinə gətirdiyi zülm, qaranlıq və yoxluq yer üzündən gerçək mənada silinəcək, insanlar gözəlliyə, zənginliyə, rifaha və hüzura qovuşacaqlar. Allah, çətinliklərin, qaranlıqların, döyüş, qırğın və ağrıların ardından, rəhmətinin və lütfkarlığının bir təcəllisi olaraq insanlara bənzərsiz nemətlər təqdim edəcək.

GÜNƏŞDƏN BİR ƏLAMƏTİN MEYDANA ÇIXMASI

2010-07-15T04:40:00.000-07:00

O, (Mehdi), Günəşdən bir əlamət meydana çıxana qədər gəlməyəcək.

(əl-Kavlu'l Müxtəsər Fi Alamatil Mehdiyy-il Muntazar, s. 47)

(2000-ci ildə çəkilən, Günəşin partlayışlar nəticəsində aldığı son halı göstərən fotoşəkil)

Günəş əlamət olaraq doğulmadıqca Mehdi çıxmayacaq. (Kitab-ül Burhan Fi Əlaməti-il Mehdiyy-il Axır Zaman, s. 33)

Qiyamətin əlamətlərindən biri də Günəşdə meydana gələcək fövqəladə hadisələrdir. 20-ci əsrdə Günəşdə böyük bir partlayış olmuş və bu partlayış dünyaya çox təsir etmişdir. Hədisdə bəhs olunan Günəşdə meydana çıxacaq sözü gedən əlamət, 20-ci əsrdə baş verən bu böyük partlayış ola bilər.